lunes, 22 de mayo de 2017

Animación á lectura con Benxamín

O venres 12 viu a nosa escola o animador Benxamín Míguez para o alumnado de 1º e 2º que lera o libro de Agustín Fernández Paz titulado “ A pastelaría de dona Remedios” e os de Infantil “Se eu fose un Can”.
Primeiro demostráronlle que leran moi ben o libro xa que contestaron ás preguntas que lles fixo, sin fallar e ordeadamente. Logo diveríronse moito coa historia que el lles foi contando, onde o protagonista era un dos compañeiros-as, debuxaba e contaba a historia o mesmo tempo e o rematar regaloulles o  debuxo. 
Foron catro sesións intensas de 50 minutos, en grupos de 40 nen@s, onde o alumnado o pasou estupendamente.
  
 
 
 

jueves, 18 de mayo de 2017

Visita de Paula Señaris


Este 19 de maio  teremos no centro a visita Paula Señarís escritora do libro "Agueda e o misterio dos calcetíns" para o alumnado de terceiro e cuarto de primaria. Neste libro cóntanos a historia dunha rapaza de cidade que vai para a aldea (Ameixenda) vivir cos seus avós, na ausencia dos seus pais.
Paula naceu en Ames, licenciouse en Xornalismo na especialidade de Audiovisual na USC, e logo de residir un tempo en Londres volveu a Compostela, onde tivo a sorte de colaborar en diferentes programas culturais da TVG, como Libro Aberto, Eirado ou Zigzag. Foi aquí onde tomou conciencia da riqueza literaria do noso país. Actualmente traballa como reporteira para a canle galega.

domingo, 14 de mayo de 2017

Carlos Casares

Resultado de imagen de carlos casares
Carlos Casares, é o persoeiro a quen se lle adica este ano as Letras Galegas, naceu en Ourense en 1941. Non tivo unha vida moi longa, pois morreu en Vigo cando tiña só sesenta anos, pero durante ese tempo fixo moitas cousas. Foi profesor de ensino secundario, director da editorial Galaxia e deputado no Parlamento de Galicia. Mais a principal de todas as súas actividades foi a de ser escritor. Escribiu seis novelas, dous libros de relatos, varias biografías de persoas importantes na historia e literatura galegas e bastantes contos para nenos e nenas, entre os cales o máis famoso é A galiña azul. Tamén escribiu unha obra de teatro, As laranxas máis laranxas de todas as laranxas, e miles de artigos para xornais e revistas. Home de memoria prodixiosa, cando se falaba con el, era moi normal que contase fermosas historias e anécdotas da súa nenez, que lembraba con moito humor e detalle.
 
Edicións Xerais da man do escritor, xornalista, crítico teatral e editor, Damián Villalaín achega este libro divulgativo sobre a vida, obra e personalidade de Carlos Casares.

martes, 9 de mayo de 2017

El espejo


Un libro orixinal no formato xa que ten dúas historias, podes abrilo pola parte da “ casa de papá” ou da “casa de mamá”, e no centro do libro as historias únense. No cuarto do protagonista, nas súas dúas casas, hai un espello máxico.
Un libro que plasma dunha forma moi tenra o problema das separacións ca consecuencia de ter dúas casas.

martes, 2 de mayo de 2017

Celebrando o día do libro con contacontos.

Como o curso pasado os bibliotecarios e bibliotecarias deste trimestre quixeron agasallar no día do libro ao alumnado de Infantil, primeiro e segundo de primaria cos seus contos preferidos. 
Nesta ocasión houbo variedade de agrupamento, de dous, tres e ata de catro persoas, que se traballaron os persoaxes do libro para que cada quen tivera un papel que interpretar. Asi dende hai máis dun mes estiveron ensaiando nos recreos con gran adicación para que chegado o momento os nervios non xogaran unha mala pasada. 
No día todo foi moi ben ao estar os contos moi preparados; encantados  tanto os que escoitaron como os que interpretaron.
Un día precioso cheo de libros marabillosos e alumnado entusiasta. 
Noraboa a estes excelentes contadores de contos!

3 ANOS ANOS B
 NICOMEDES
MARIO-HARITZ
24 DE ABRIL .12:00
4 ANOS B
3 ANOS
CANDO MARTIÑO TIVO…
MAIKA-ANDREA
24 DE ABRIL .12:00
4 ANOS A
5 ANOS A-B
O COELLIÑO BRANCO
ALBA-UXÍA-LAURA-NACHO
24 DE ABRIL .12:00
5 ANOS A-B
4 ANOS A
NA BUSCA DUN FOGAR
JULIA-XIANA-CANDELA
24 DE ABRIL .12:00
PRIMARIA



1ºA
1ºB
IAGO
MARIA-YESSICA-SHEILA-HOSHOU
24 DE ABRIL .12:00
1ºB
1ºA
A TARTARUGA QUE QUERÍA...
ANTIA-SILVIA
24 DE ABRIL .12:00
2ºA
2ºB
MARUXA
CANDELA-SARA G-AGUEDA
24 DE ABRIL .12:00
2ºB
2ºA
PETRA
JUDITH-YARA-JULIA
24 DE ABRIL .12:00 BIBLIOTECA

Disfrutando con A. García Teijeiro

O mércores 26  chegou ao centro despois do recreo Antonio García Teijeiro como unha raiola de sol para todos nós, cheo de entusiasmo e con moitas ganas de comunicarse, de recitar poesía pero sobre todo de contestar as moitas e diversas preguntas que tiñan que facerlles os nosos nenos e nenas.
Durante case unha hora estivemos encandilados cas súas verbas, onde nos foi desgranando as súas vivenzas, o seu día a día e os seus motivos de inspiración... Por último asinou os libros de todos os nenos e nenas. Dámoslle as grazas á Antonio por este día!
 
 
 
 
  
 



martes, 25 de abril de 2017

Garcia Teijeiro no centro

MÉRCORES 26 DE ABRIL ANIMACIÓN Á LECTURA 
Resultado de imagen de garcia teijeiro
Naceu de Vigo ( 1952)  é un escritor en lingua galega, adícase principalmente á literatura infantil. É  considerado un dos máis significativos poetas para nenos/as  en lingua galega; parte da súa obra está  traducida a moitos idiomas .
García Teijeiro foi maestro e deportista de élite do balonman español.
Coñeceu a  Rafael Alberti e Alvaro Cunqueiro que tiveron gran influencia na súa obra.
O seu libro máis recoñecido  internacionalmente  é “ Na fogueira dos versos”(1996)
Moitos dos seus poemas son musicados por  Mamá Cabra e outros músicos galegos.

lunes, 24 de abril de 2017

Día mundial do libro.



A Consellería de Cultura, Educación e Ordenación Universitaria edita, como cada ano con motivo do Día Mundial do Libro, un texto orixinal dun autor ou autora galega. Nesta ocasión ás Bibliotecas Escolares de Galicia elexiron a autora é Rosalía Fernández Rial que co seu texto lémbranos a importancia da maxia na lectura. 
Hoxe luns as librerias de Mos realizarán un dez por cento de desconto na compra de libros e en colaboración co concello agasallarán cunha roseira para prantar. 

domingo, 23 de abril de 2017

Semana do día do libro

  Están catalogados todos os libros que se mercaron atendendo o buzón de suxerencias, as últimas novidades do mercado, libros que nos pareceron de interés e por suposto se intentou atender a esa variedade de gustos lectores que hai na nosa biblioteca. Asi nesta semana que celebramos a semana do libro o alumnado poida disfrutar de toda esta amplitude e diversidade de libros. 
Empezamos a semana cun  luns cheo de contos, onde os nos@s bibliotecarios farán as delicias do alumnos de infantil e de primeiro e segundo curso. O mércores teremos a visita de Antonio Garcia Teijeiro para os maiores e remataremos o venres con contacontos de novo.

sábado, 22 de abril de 2017

Animación á lectura con Abelardo

Como antesala do día do libro quixemos traer unha animación á lectura, grazas a editorial  Consorcio, asi este xoves tivemos con nós a Abelardo O Bardo, que para os de primeiro e segundo realizou unha proxeción sobre a traxectoria  de Carlos Casares e para os de infantil   presentoulle algún dos libros do escritor, en concreto o da Galiña Azul,  a  continuación comenzou a verdadeira animación  que coas súas cancións, palmas, música e por suposto música conseguiu espertar o interés e a alegría de ata os máis pequenos. 









miércoles, 19 de abril de 2017

Bardo Abelardo

Este curso, dentro das nosas propostas de animación á lectura, temos a sorte de contar con Servando Barreiro que nos vai a amosar a súa proposta didáctica a través de O Bardo Abelardo,  grazas a xentileza da Consorcio editorial galego que nos ofertou esta interesante actividade para Educación Infantil e primeiro e segundo de primaria. Contaremos ca súa presencia este xoves 20 de abril ás doce da mañá.
Servando Barreiro é  músico e contador de historias ao estilo dos antigos bardos con unha ampla traxectoria dentro da animación infantil, da música tradicional e de autor. Os seus espectáculos combinan a nosa rica tradición cultural con historias máis actualizadas para sensibilizar aos máis novos coa música, a poesía e a defensa e coidado do medio a través dos contos e as cantigas.
Bardo Abelardo, xunto ao seu repertorio de cantigas tradicionais, tamén quere render homenaxe a Carlos Casares no ano no que se lle dedica o día das Letras Galegas 2017 con un espectáculo no que vai debullando unha serie de contos con referencias expresas as obras infantiles mais coñecidas de Carlos Casares como “AS LARANXAS MAIS LARANXAS DE TÓDALAS LARANXAS” ou “A GALIÑA AZUL”. Así podremos escoitar por exemplo a historia de Leoncio , o inventor da bomba da Felicidade e outras historias mais, adaptadas para podelas contar e cantar acompañado da sua concertina.


lunes, 17 de abril de 2017

Exposición de libros sobre arte

Como este curso traballamos o proxecto do arte realizamos uns expositores na entrada da biblioteca, onde recopilamos todo o material que tiñamos sobre o tema, entre o que mercamos e o que había nos andeis descubrimos que tiñamos moito e variado. Esta é unha pequena mostra.


sábado, 15 de abril de 2017

Nimbus

Nimbus
Este conto da editorial Salvatella, está escrito por Noemí Fernández Selva e ilustrado por Eva Zurita. Cóntanos a historia de Nimbus, unha nube que pasa por distintos estados emocionais; amor, calma, rabia, tristeza, medo, sorpresa e alegría. Asi mesmo vainos narrando que é o que lle fai sentir esa emoción cada día e como logra superar aquilo que lle fai sentir mal. 
Ademais, o conto mostra unhas ilustracións moi chamativas para o público infantil. 
O libro remata cunha pequena guía sobre as emocións tratadas no libro.

lunes, 10 de abril de 2017

Laberinto del alma

Anna Llenas, autora e ilustradora, mostra neste libro que a alma ten tantos rostros, pensamentos e sentimentos como estados en que che poidas atopar. Algúns deles son amables, luminosos e outro ben escuros. Este libro é unha colección de 58 emocións e estados da alma que  convida a reencontrarse con cada un deles nunha viaxe cara o interior.
Un libro que nos namorou cando o vimos.

jueves, 6 de abril de 2017

Xerais Básicos ciencia


Vén de presentarse a colección de divulgación científica Xerais Básicos ciencia, da editorial Xerais. Entre os seus obxectivos está fortalecer o o galego como lingua de ciencia e o fomento da lectura da divulgación científica.
A colección está dirixida por Miguel Vázquez Freire e neste momento consta de tres obras: Terra de Xurxo Mariño, Historia do ADNde Daniel Soutullo e O universo matemático de Antom Labranha.
En palabras de Xurxo Mariño é preciso ter coñecementos científicos para poder ser cidadáns, para saber separar o que é ciencia do que non o é.

lunes, 3 de abril de 2017

Abril: mes dos libros

Estamos en abril, o mes dos libros (como acostuman a denominalo moitas bibliotecas escolares) e chegou unha das datas máis significativas para os mediadores e mediadoras de lectura, o 2 de abril, Día Internacional do Libro Infantil, no que se celebra o nacemento de Hans Christian Andersen. Coma en anos anteriores, a IBBY (International Board on books for Young People), a súa sección española a OEPLI xunto coas entidades colaboradoras como GALIX, en Galicia, editan un cartel cunha mensaxe e unha imaxe especialmente deseñada para este día.
Nesta ocasión, a sección de Ibby de Rusia foi a encargada da elaboración deste cartel. O texto, do escritor ruso Sergey Makhotin fala da importancia do libro como acompañante imprescindible no proceso de maduración persoal ao longo da vida, e do pracer que o libro e a lectura proporcionan. O debuxante e ilustrador Mikhail Fedorov pon a imaxe a este cartel que se difunde xunto co texto nas catro linguas do estado. Tamén está accesibe en inglés e ruso a través da páxina de Ibby.
Coma en anos anteriores, GALIX anima a centros escolares, bibliotecas e librarías a colaborar na difusión desta mensaxe. Así mesmos, as bibliotecas e centros educativos poden participar no concurso "Andersen hoxe" que para a celebración deste día organizan a OEPLI e todas as súas seccións. Pódese acceder a toda a información nesta ligazón.

martes, 28 de marzo de 2017

75 años da morte de Miguel Hernández

O 28 de marzo de hai 75 anos, o poeta Miguel Hernández morría preso no penal de Alacante aos 31 anos. Cheo de chagas e cos ollos abertos, segundo recolleu o parte, nacía así a lenda do poeta do pobo. "Lembrar a Miguel Hernández é un deber de España, un deber de amor", escribiu Pablo Neruda.
Lector empedernido desde neno, contan que o seu pai lle pegaba cada vez que lle vía ler pola noite. Traballando no campo, no seu Orihuela natal, comezou a escribir. A súa infancia en Alacante e as súas raíces impregnarían logo gran parte da súa obra. "Miguel era tan campesiño que levaba unha aura de terra ao redor del", afirmaba o seu gran amigo Pablo Neruda.
En plena Guerra Civil foi encarcerado e condenado á morte. Unha pena que grazas aos seus amigos e aos seus admiradores dentro do bando nacional foi conmutada por 30 anos de cárcere. Un período no que sufriu pola súa muller, perdeu a un dos seus fillos e enfermou.
Ao paso dos anos, os seus amigos pedíronlle que se arrepentise, que renegase do seu defensa pola República. Pero nunca aceptou o que para el era unha humillación e preferiu seguir fiel ás súas ideas ata o final dos seus días.
Morreu na madrugada do 28 de marzo de 1942  a consecuencia dunha tuberculose no penal de Alacante.   A maioría dos poemas e textos que escribiu Hernández naquel tempo ían dirixidos ao seu fillo. "Manolillo da miña alma; saberás que hoxe cumpriches o teu primeiro ano, e que o teu pai che felicita como pode, desde tan lonxe. Posto que xa andas, ven aquí comigo e aprenderás a ser home no cárcere, onde tantos homes desaprenden. Dime a túa nai que non che gusta moito o xoguete que che mandei e que che gusta máis o biberón. Mellor. A min pasaríame o mesmo", escribiu en Hernández nunha carta.  
Neses días, o poeta escribe unha serie de textos que forman parte de "Cuentos para mi hijo Manolillo", un libro recentemente publicado polo selo Nórdica e que inclúe os catro relatos que Miguel Hernández escribiu en 1941 no cárcere de Alacante, todos adicados ao seu fillo, e que agora se publican ilustrados por catro creadores contemporáneos, unha edición que foi preparada polo xornalista Víctor Fernández con novas ilustracións de Damián Flores, Sara Morante, Adolfo Serra e Alfonso Zapico.
Retrato de Miguel Hernández, enero de 1940 hecho por  Antonio Buero-Vallejo (Carboncillo sobre papel)
Retrato de Miguel Hernández, xaneiro de 1940, feito por Antonio Buero-Vallejo no cárcere. 

domingo, 26 de marzo de 2017

Días de Poesia

A comisión da biblioteca para celebrar a semana da poesía decídimos, ante o éxito do curso pasado, elaborar varios bibliocarros con libros diversos de poesía, que estiveron varios días en cada clase para que o alumnado poidese ler e disfrutar no proxecto lector.





jueves, 23 de marzo de 2017

Pedro Feijoo no clube de lectura

O  día 21  reunímonos un grupo de nais e algunhas profesoras  para falar do libro dos Fillos do Mar. 
Iniciamos a sesión  comentamos a nivel xeral as boas impresións en torno da lectura do libro e  a continuación conectamos por videoconferencia co autor, Pedro Feijoo.
As preguntas  foron moitas e variadas, el moi amablemente foi  respondendo dunha maneira interesante e amena.
Contounos a súa vinculación cos lugares nos que transcurre a novela; como descubriu ao arquitecto Michel Pacewicz a través dos preciosos edificios  en Vigo; como lle marcou as historias que lle contaba  seu avó camiño ao xornal Faro de Vigo; tamén a súa paixón dende pequeno pola literatura e por suposto pola música,
Asi durante case unha hora. foinos desgranando  feitos, vivenzas,  historias que deron lugar ao libro  Fillos do Mar, novela que disfrutamos, e que de seguro, xa gardaremos por sempre un moi agarimoso recordo.
Agora só nos queda esperar ao seu novo libro, que xa poidemos comprobar está moi avanzado.
Agradecemos a Pedro a amabilidade de agasallarnos co seu tempo, coa súa alegría e cercanía. Desexámoslle moita sorte nos vindeiros proxectos.

domingo, 19 de marzo de 2017

Pedro Feijoo

Vaise acercando o día  do clube de lectura de maiores, onde poremos en común a lectura do libro "Os fillos do mar" do escritor vigués Pedro Feijoo, será o vindeiro martes 21 de marzo ás 18.30. Onde de seguro que haberá algunhas sorpresas, entre outras teremos a sorte de ter  ao autor  a través dunha videoconferencia.

PEDRO FEIJOO é licenciado en Filoloxía Galega pola Universidad de Santiago de Compostela. Ao longo dos últimos anos exerceu como músico, produtor, compositor e membro dalgúns proxectos musicais galegos como Los Feliz e Lamatumbá. En 1997 publicou o seu primeiro libro, Cousas do «Galicia», por Castelao, no que se explica a relación de Castelao co xornal Galicia que dirixiu Valentín Paz-Andrade. 
En 2005 publicou Viva o Fu Remol!, unha crónica sobre os problemas do panorama musical galego. En 2011 o relato "O segredo do viaduto" no  XII Certame Literario de relatos curtos Os Viadutos. A súa primeira novela Os fillos do mar foi  publicada  2012, en 2013  A memoria da choiva e en 2015 Morena, perigosa e románica.
Obtivo diferentes premios:
Finalista do Premio Xerais no 2011, polos Os fillos do mar.
Premio Arcebispo San Clemente no 2013, por Os fillos do mar.
Premio Frei Martín Sarmiento de Bacharelato e adultos en 2014, por Os fillos do mar.
Premio Arcebispo San Clemente no 2016, por A memoria da choiva.

A continuación a entrevista que lle realizaron cando se publicou o libro Os Fillos do Mar.