martes, 24 de abril de 2018

Apadriñamentos lectores no día do libro

O día 23 os lectores padriños e madriñas sairon  ao patio a disfrutar dos seus afillados e das afilladas, das lecturas e tamén do precioso día... Recollemos algunhas das moitas deliciosas e tenras imaxenes desa mañá.

 

 

 

 
  

 

 

 



viernes, 20 de abril de 2018

23 de abril: día do libro

Este curso celebramos este  23 de abril con varias actividades:


  • O 23 de abril  apadriñamento lector dos alumn@s maiores aos máis pequen@s no patio. Este é un proxecto de animación e fomento da lectura que consiste en que alumnos e alumnas de cursos diferentes se constitúen en padriños ou madriñas para compartir momentos de lectura. Con esta actividade pretendemos a mellora dos diversos contidos da lectura, pero ademais contribuirá a desenvolver as relacións interpersoais dos alumnos do centro e o achegamento entre nenos de idades diferentes.
  • Realizar un mural cos traballos realizados polo todo o alumnado sobre "O teu libro favorito".
  • Exposición de libros de Elmer; no seu 30 aniversario.
  • Visita da escritora Alicia Borrás o 26 de abril.
E como non podía ser doutra maneira, haberá  novidades editoriais diferentes para disfrutar de novos libros.

 

martes, 17 de abril de 2018

UNHA XORNADA ESPECIAL CON LEDICIA COSTAS

O pasado xoves día 12 visitounos Ledicia Costas para falarlles  ao alumnado de 5º e 6º do seu último libro ”A señorita Buble”.
A visita non foi ao uso, xa que en vez de falar ela sobre a súa experiencia, preferiu que o alumnado lle fixera preguntas,  a través das súas respostas foron averiguando como surxiu, que lle inspirou, o tempo que lle levou… recalcando o feito que lle deu moita importancia as mulleres científicas, que sempre foron moi ignoradas, e aproveitou ese momento para recordar algunhas delas e os seus descubrimentos.
Houbo momentos de moito interés , moitas preguntas e de moita risa, como cando relatou  a chamada para anunciarlle que lle deran o Premio Nacional de Literatura Xuvenil  e ela pensou que se trataba dunha broma.
A continuación  asinoulles  e púxolles un selo  aos libros.
Pero a xornada non rematou  para Ledicia no noso centro, porque os de 4º curso que leran “Escarlatina, a cociñeira  defunta” quixeron tamén coñecela, estiveron con ela e dende ese día os seus libros  teñen un selo especial.
Posteriormente  visitou a nosa renovada biblioteca e estivo co profesorado.
 Dende aquí queremos mostrar  o noso agradecemento por compartir  esta xornada  con nós. 
Grazas Ledicia!!
E grazas a editorial Anaya por ofertarnos esta visita.
 
 
 


 
 




domingo, 15 de abril de 2018

El futuro es femenino

El futuro es femenino
Da man da editorial Nube de tinta chega O futuro é feminino, un libro de contos no que diversas escritoras e ilustradoras únense para empoderar a figura da muller. Trátase dun libro que reúne historias inspiradoras sobre as situacións nas que, tanto as nenas como as mulleres, enfróntanse día a día. Os seus protagonistas transfórmanse para enfrontarse a elas con valentía.
Como sería un mundo igualitario, un mundo feminista? Estes son os relatos que nos debemos contar as unhas ás outras para crear un lugar distinto, un lugar máis xusto, máis igual. Para coidarnos e querernos máis. Para dar voz ao que xa non se pode calar. E para ter voz, xa, dunha vez por todas. Contos únicos para nenas, mozas e mulleres (e para todos, en realidade), porque o futuro é feminino.
Un libro que seguro que disfrutaremos moito.

lunes, 9 de abril de 2018

Visítanos Ledicia Costas


Este xoves día 12 visítanos esta prolífera escritora viguesa.

Ledicia Costas está licenciada en Dereito pola Universidade de Vigo. Empezou a escribir desde moi nova, sendo unha autora versátil que transita os máis diversos temas, estilos e xéneros. A súa primeira novela publicada foi Unha estrela no vento (Edicións Xerais 2000), libro que escribiu cando era unha adolescente e que actualmente vai pola 17ª edición.Mentres cursaba os seus estudos de Dereito gañou diversos premios literarios convocados pola universidade, tanto de relato como de poesía.
Nos últimos anos recibiu importantes recoñecementos, coma o Premio Merlín de literatura infantil, pola súa obra Escarlatina, a cociñeira defunta. Por ese mesmo libro, o Ministerio de Cultura concedeulle o Premio Nacional de Literatura Infantil e Xuvenil no ano 2015. Ademais, Escarlatinaentrou a formar parte da prestixiosa Lista de Honra do Ibby no Congreso Internacional celebrado en Auckland, Nova Zelanda, no 2016.
Traducida a varias linguas, Escarlatina, a cociñeira defunta tivo unha gran acollida polo público infantil, vendendo máis de 20.000 exemplares en Galicia desde a súa publicación. Foi cualificada coma unha obra “extraordinara, humorística e rompedora, que destaca pola súa sinxela lectura, humor escalofriante e con grande habilidade para desmitificar o tema da morte”.
Coa novela de aventuras Jules Verne e a vida secreta das mulleres planta conseguiu o Premio Lazarillo de creación literaria do 2015, o Premio Fervenzas Literarias á mellor obra de literatura xuvenil do ano 2016 e o Premio ao mello libro do ano na categoría Infantil e Xuvenil, na II Gala do Libro Galego.
O seu libro de relatos sobre a II Guerra Mundial Un animal chamado néboa, recibiu por unanimidade o Premio Losada Diéguez de creación literaria 2016. O xurado destacou que o conxunto de relatos que configuran esta obra «conseguen demostrar a condición global da memoria dos traumas da nosa historia recente, grazas a un hábil manexo de innumerables fontes documentais», incidindo no feito de que a autora «ofrécenos unha crónica do mellor e do peor da condición humana». 
Coa novela “A balada dos unicornios” gaña o Premio Lazarillo 2017, converténdose na única autora galega en lograr en dúas ocasións este galardón.

domingo, 8 de abril de 2018

Valerosas

Acabamos de adquirir este interesante libro en banda diseñada sobre mulleres valerosas, dende científicas, actrices ou activistas, estas mulleres que foron atrevidas, decididas e loitaron por conseguir os seus soños e saír adiante nos seus respectivos períodos históricos. Moitas delas fixeron saltar polo aire os prexuízos sociais e demostráronnos que botarlle valor e perseveranza non é cousa só de homes. Algúns exemplos son: Wu Zetian, emperatriz chinesa que creou un esbozo do actual dereito laboral e instaurou os méritos para poder acceder a cargos públicos; Margaret Hamilton, a actriz aterradora especializada en papeis do mal que fixo da súa estraña beleza un referente en Hollywood; ou Agnodice, xinecóloga grega que tivo que vestirse de home para poder traballar e conseguir que as mulleres puidesen exercer a medicina no seu país.
Nun principio Valerosas foi publicado en liña na páxina do importante xornal francés Le Monde.
O tomo 2 de Valerosas presenta outras quince impactantes retratos.

domingo, 1 de abril de 2018

A batalla da pequena Chañán Curi Coca



O libro, editado por Xerais e destinado para un lectorado autónomo, ten como un dos temas máis destacados os desafiuzamentos, vividos en carne propia pola nena Noelia e a súa familia. A pesar dos esforzos da nai de agochar unha situación tráxica, a protagonista vai ser quen, achegando e revivindo no seu maxín as lendas incas de defensa da terra que lle contaba a súa avoa Elizabeth, de defender o seu territorio “a casa” coa axuda da súa veciña “Mamá Huaco” que tamén se resiste a abandonar o seu fogar pero por motivos diferentes: é maior e está soa. 
Abordar determinadas situacións como a falta de recursos por mor do paro, os desafiuzamentos, a vellez ou a soidade faise necesario porque presenta a realidade de moitas persoas e fogares, e tamén dalgúns dos nosos rapaces e rapazas. Contarmos nas bibliotecas escolares con textos que nos falen dos nosos problemas fará entendermos o mundo e intentar darlles solucións como fai con afouteza Noelia, a pequena Chañán Curi Coca. 
A batalla da pequena Chañán Curi Coca de Rosa Aneiros, vén de ser seleccionada finalista no apartado de Lilteratura infantil da Gala do Libro 2018.

miércoles, 21 de marzo de 2018

Disfrutando da poesía

o día 21 de marzo, Día Internacionalda Poesía, un tempo para salientar a lírica comoestilo literario que expresa dun xeito moi especial o
O día 21 de marzo, Día Internacional da Poesía, é un tempo para salientar a lírica como estilo literario que expresa dun xeito moi especial o sentir das autoras e autores.

 Dende a Biblioteca quixemos que o alumnado disfrutará e aprendera cos poemas que existen nos libros e os que eles poidesen crear, asi que eleximos e seleccionamos  libros para cada ciclo educativo e montamos catro bibliocarros que levamos as clases, onde estiveron varios días, asi que non só  leron, copiaron senón que inventaron as súas poesías.  Tamén aproveitamos para mostrar nun expositor na entrada da Biblioteca outros libros interesantes sobre poesía.
Como colofón destes días de lírica o equipo de Dinamización prantexou unha actividade moi bonita que consisteu en plasmar un poema, que podía ser de creación propia ou allea,  nunha silueta dunha peza de roupa, para a continuación esas siluetas poéticas expoñelas nun tendal no patio do colexio. Quedaron uns traballos expléndidos.